...منتديات الســـــــادة الختمية الميرغنية...
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

...منتديات الســـــــادة الختمية الميرغنية...

مرحباً بكم في منتديات الســــــادة المراغنة (آل البيــــت عليهم السلام)
 
الرئيسيةالبوابةأحدث الصورالتسجيلدخول
نرجو من الإخوة الأعضاء والزوار الكرام الحضور معنا في منتديات السادة بثوبها الجديد  www.khatmiya.com

 

 قصيدة العلم الكبير

اذهب الى الأسفل 
كاتب الموضوعرسالة
السمؤل الفكى معروف
شباب الميرغني بعطبرة
شباب الميرغني بعطبرة
السمؤل الفكى معروف


عدد الرسائل : 229
العمر : 52
الإقامة : السودان-عطبرة
تاريخ التسجيل : 13/12/2008

قصيدة العلم الكبير Empty
مُساهمةموضوع: قصيدة العلم الكبير   قصيدة العلم الكبير I_icon_minitimeالجمعة 16 يناير 2009, 9:20 am

قصيدة العلم الكبير فى مدح مولانا السيد محمد عثمان الميرغنى
الأستاذ الفضل محمد نور حسين عجمي (ود عجمي)
منطقة أم الطيور-غرب عطبرة

مرحبتين حباب الميرغنى العثمان
سليل الأكرمين نسباً رفيع الشأن
شرفت البلاد من نمولى لى أسوان
وأسعدت الجميع الباكي والحزنان
السودان بلاك ما بنلقى فيه أمان
جور وظلم عديل وكمان معاهو حرمان
الزول الضعيف ما عندوا أصول مكان
ينداس بالنعال ووسط الخلوق ينهان
نحمد ربنا جاب سليم ومعافى
وبى جيتك يمين كل القلوب تتصافى
المغلوب تواسى والمريض يتشافى
والشرخ الحصل فى حزبنا تب بيتعافى
إنت علم كبير ومجبول على الحرية
ووالدك كان زعيم وبصماتوا ماها خفية
الاستقلال يمين تماهوا أبو الوطنية
خلى علمنا فوق مرفوع مكانة عليا
السيد على كان راجل لبيب وصميم
بيوزن للأمور ما بينتظر لى لفهيم
بخفايا السياسة حاذق وبيها عليم
وفى الدين عالماً ما بيتلقيلوا نديم
السيد على كان زول جسور ومناضل
ومن أجل الوطن والله ما بتساهل
قاوم للدخيل وأقلق مناموا الغافل
رفع علم البلاد فوق للثريا يغازل
أزهرى والرفاق نعمة الرجال والقادة
أصحابين مبادئ مانساهوا خلف المادة
طردوا المستعمرين وخلوا البلد لى أسيادا
ذكراهم يمين فى قلوبنا صارت خالدة
أبشروا يا اتحاديين اليوم مرامكم تم
وبى عودة زعيمكم زال الظلام والغمة
اتناسوا الخلاف وخلوا الشمل يتلم
عشان نكوى الحسود ومرادوا ما يتم
السودان بلدنا ولازم نعيش أحرار
ومابنقبل حكم يفرض علينا حصار
الحكم الشمولى ظلم ونحن بيهو كفار
نحن أنصار ديمقراطية حقة مابنخدع لشعار
حان وقت التوحد من غير نقاش وكلام
مادام الميرغنى عاد للديار بسلام
بجمع الشمل والوحدة نبقى تمام
نغيظ بيها العدو ونغرز فى جوفو سهام
من غيرنا الحكم بالشورى والحرية
ومن غيرنا السمح للناس يعيشوا سوية
السلطة البغيضة ما جبناها بالزندية
اختارنا الشعب طائع لا جبر لا رية
أقدل يا ختم ما تتلفت لى وراك
الدار إنت سيدا والناس بتبقى معاك
فى غيابك بددت نار الفتن تنحاك
كانت تبقى كارثة لولا لطف مولاك
نحن معاك وما يهمك كلام الغير
ووحد بالحزب واترك بغاث الطير
الدايرنا مرحب القافلة باقية مسير
والمابينا فى ستين محل ما يطير
الرجوع الى أعلى الصفحة اذهب الى الأسفل
 
قصيدة العلم الكبير
الرجوع الى أعلى الصفحة 
صفحة 1 من اصل 1
 مواضيع مماثلة
-
» مجموع الأوراد الكبير ....
» قصيدة للامام علي كرم الله وجهه
» قصيدة الفرزدق
» قصيدة الفرزدق
» ابو جلابيه اميرا

صلاحيات هذا المنتدى:لاتستطيع الرد على المواضيع في هذا المنتدى
...منتديات الســـــــادة الختمية الميرغنية... :: المنتديات العامة :: حبل الوصـــال والمكتبة الصوتية-
انتقل الى: