سلام يا طه
الدنيا وجاها
لغيرك الله ما سواها
صلاة و تسليم
سلام يا طه
بلغت وجاهة
لغيرك الله ما أداها
إصطفى وتكريم
من مبداها
كرما ليك النار أطفاها
إيوان كسرى كمان رجاها
ولدت يتيم
روحك إتولاها
أدبا جم خلقا و رباها
والمضغة الفى القلب محاها
صبور وحليم
بالقرآن أمنت شقاها
تذكرة لمن يخشاها
وعظ وإرشهد لمن دساها
هدى وتعليم
أزلت العاهة
كرمك فايض ما بتضاها
وفى رمضان تفوقو مداها
تجود كالغيم
عرجت سماها
بلغت ذراها
أذن لك فى الحجب إتوطاها
عليك كريم
نفسى براها
ومن ذات نورك إنت كساها
وابشراى وابشراها
بعز ونعيم
نظم ببداها
ومنك رحمة بترجاها
تعم بركاتا من حباها
وكل خصيم